- १० भाद्र २०८३, बुधबार / Aug 26, 2026
काठमाण्डौ । शीर्ष तीन दलका नेताहरूबीचको बैठकमा नक्कली भुटानी शरणार्थी प्रकरणबारे अनौपचारिक छलफल भएको छ । बालुवाटारमा आइतवार नेकपा एमालेका उपाध्यक्ष एवम् संसदीय दलका उपनेता सुवासचन्द्र नेम्वाङले उक्त कुरा बताएका हुन ।
उपनेता नेम्वाङले शीर्ष नेताहरूको बैठकमा संसदीय गतिविधि र विधेयकहरूलाई अघि बढाउन समझदारी बनेको बताए । शीर्ष नेताहरूबीचको छलफल सकारात्मक भएको र सोमवारदेखि विषयगत समितिहरूको बैठक र सङ्घीय संसद्को संयुक्त समिति र नियमावली बनाउनेबारेमा पनि सहमति जुटेको बताए ।
