श्रीलङ्का सुपर १२ मा प्रवेश

काठमाण्डौ । आईसीसी टी–२० विश्वकप क्रिकेटको सुपर १२ मा श्रीलङ्का समूह विजेता बन्दै प्रवेश गरेको छ । सारजाहमा नेदरल्यान्ड्सलाई ८ विकेटले पराजित गर्दै श्रीलङ्का लगातार तेस्रो जित निकाल्दै समूह विजेता बनेको हो । नेदरल्यान्ड्सले दिएको ४५ रनको लक्ष्य श्रीलङ्काले ७ ओभर १ बलमा २ विकेट गुमाएर पूरा गर्यो ।

नेदरल्यान्ड्सका ब्राण्डन ग्लोभर र पाउल भानले १र१ विकेट लिए । यस अघि पहिले ब्याटिङ गरेको नेदरल्यान्ड्सले १० ओभरमा अलआउट हुँदै ४४ रन बनाएको थियो । श्रीलङ्काको जितमा कुशल परेराले अविजित रहँदै ३३ रन बनाए । चारिथ आसलन्का ६ रनमा आउट हुँदा अभिस्का फर्नान्डो दुई रनमा अविजित रहे । ओपनर पाथुम निसान्का शून्य रनमा आउट भए ।