सक्षम साकोसको भ्रमण टोली भक्तपुरमा

भक्तपुर । नगरपालिकाका प्रमुख सुनिल प्रजापतिसँग सक्षम बचत तथा ऋण सहकारी संस्था लि.का अध्यक्ष रमेशकाजी श्रेष्ठको नेतृत्वमा भक्तपुरको सहकारी तथा सांस्कृतिक अध्ययन भ्रमण टोलीले भेट गरेको छ ।

भेटका क्रममा भक्तपुर नगरपालिकाले शिक्षा, स्वास्थ्य, सम्पदा संरक्षण, विकास निर्माण, सहकारी गतिविधिलगायतका विविध विषयबारे छलफल तथा अनुभव आदानप्रदान गरेको हो । भ्रमण टोलीलाई भक्तपुर नपामा स्वागत गर्दै नगर प्रमुख प्रजापतिले आर्थिक लेनदेन तथा कारोबार हुने ठाउँमा आर्थिक अनियमितता तथा भ्रष्टाचारको सम्भावना हुने भएकाले आर्थिक क्षेत्रमा पारदर्शी ढंगले काम गर्नुपर्ने बताए ।

सक्षम स्थानीय तहलाई विश्वविद्यालय सञ्चालन गर्न दिनुपर्नेमा जोड दिदै भक्तपुर नपाले नगरबासी विद्यार्थीहरुको लागि शैक्षिक ऋण, सस्तोमा गुणस्तरीय शिक्षा, सरसफाई अभियान पनि अगाडि बढाइरहेको बताए ।

सक्षम साकोसका अध्यक्ष रमेशकाजी श्रेष्ठले भक्तपुरको सांस्कृतिक सम्पदा संरक्षणमा भक्तपुर नपाले महत्वपूर्ण योगदान पु¥याउँदै आएको र भक्तपुर नपाले शिक्षा, स्वास्थ्यलगायतका क्षेत्रमा गरिरहेको कामबाट आफूहरुले सिक्न चाहेको बताए ।

सक्षम साकोस अन्य क्षेत्रको भन्दा फरक ढंगले सामाजिक उत्तरदायित्व बहन गर्दै अगाडि बढिरहेको अवगत गराए । भेटपश्चात सक्षम साकोसका प्रतिनिधि टोलीलाई भक्तपुरमा अवस्थित ऐतिहासिक तथा सांस्कृतिक महत्वका सम्पदाहरुको स्थलगत अवलोकन गराएको थियो ।