- ११ बैशाख २०८३, शुक्रबार / Apr 24, 2026
काठमाडौं । नेकपा एमालेका वरिष्ठ नेता माधवकुमार नेपाल पक्षले आज केन्द्रीय समिति बैठक बोलाएको छ । पछिल्लो राजनीतिक अवस्था, आगामी दिनको रणनीति, सरकारमा सहभागितालगायतका विषयमा छलफल गर्न बैठक बोलाएको हो ।
पार्टी भित्रको जारी विवाद मिलाउन प्रयास भइरहेका बेला माधव पक्षले छुट्टै केन्द्रीय कमिटी बोलाएको हो। शेरबहादुर देउवा नेतृत्वको सरकारमा जानेबारे थप निर्णय लिन केन्द्रीय सदस्यहरुलाई काठमाडौंमा बोलाएको स्रोतले बतायो ।
नेपाल पक्षले बैठक बोलाएपछि ओली पक्षले केन्द्रीय कमिटी बैठकमा सहभागी नहुन अपिल गरेको छ। पटक पटक एमालेको नामबाट अनाधिकृत गतिविधि गरेर त्यसमा सहभागी हुने विषय संविधान, प्रचलित कानुन र पार्टी विधान विपरीत भएकाले त्यो गतिविधिमा नलाग्न ओली पक्षले अपिल गरेको शेरबहादुर तामाङले बताए । माधव पक्षले बिहान ११ः०० बजे बुद्धनगरस्थित क्वालिटी ब्यांक्वेटमा बैठक बोलाएको छ ।
