- १३ जेष्ठ २०८३, बुधबार / May 27, 2026
काठमाडौं । नेपाल सरकारले बागमती र गण्डकी प्रदेशमा नयाँ तथा नवीकरण गर्ने सवारी साधनमा इम्बोस्ड नम्बर प्लेट अनिर्वाय गरेसंग देशमा विभिन्न बहस सृजना भएको छ । इम्बोस्ड नम्बर प्लेटमा अंग्रेजी अक्षर रहेको, इम्बोस्ड नम्बर प्लेट बनाउने कम्पनीसँग आर्थिक लेनदेनमा जबर्जस्ती जडान गराउन खोजेको भन्दै सरकारको यो निर्णयमा आम सर्वसाधारण जनताले विरोेध जनाएका हुुन् ।
इम्बोस्ड नम्बर प्लेटको बहस पेचिलो बन्दै गइरहेको बुधबारको संघीय संसदको राज्यका निर्देशक सिद्धान्त नीति तथा दायित्वको कार्यान्वयन अनुगमन तथा मूल्यांकन समितिको बैठकमा एमाले सांसद भीम रावलको अभिव्यक्तिले प्रष्ट पारेको छ ।
नेकपा एमालेका सांसद रावले उक्त बैठकमा सरकारले जेल हाले पनि आफू इम्बोस्ड नम्बर प्लेट जडान नगर्ने बताए । जनताको ढाडसेक्ने गरी अंग्रेजी अक्षर रहेको र इम्बोस्ड नम्बर प्लेट बनाउने कम्पनीसँग आर्थिक लेनदेनमा यस्ता निर्णय नलाद्न समेत चेतावनी दिए ।
उनले भने, ‘‘ म मेरा कुनै पनि गाडीहरुमा इम्बोस्ड नम्बर प्लेट हाल्दै हाल्दिन । बरु सरकारले एक बर्ष जेल हाल्ने भनेको छ हालोस् । म एक बर्ष जेल जान तयार छु ।’
बुधबारको छलफलमा उक्त समितिले भौतिक पूर्वाधार तथा यातायातमन्त्री रेणुकुमारी यादवलाई बोलाए पनि विना जानकारी अनुपस्थित रहेको बताइएको छ ।
