- १ भाद्र २०८३, सोमबार / Aug 17, 2026
गाईघाट । चौदण्डीगढी नगरपालिका–५, सिवाईस्थित त्रियुगा पुल अझै पुनर्निर्माण हुन सकेको छैन।
भौतिक पूर्वाधार मन्त्रालय र सडक विभागसमेतले बेवास्ता गरेपछि पुल निर्माण हुन सकेको छैन् ।
स्थानीय सर्वसाधारणले नगरपालिकाको सदरमुकाम बेल्टार जान वर्षौंदेखि त्रियुगा नदी वारिपारि गर्ने क्रममा अनेकौँ कष्ट र सास्ती खेपिरहेको अवस्थामा निर्माण सम्पन्न हुनैलाग्दा भत्किएको पुल दुई वर्ष बितिसक्दा पनि हालसम्म पुनर्निर्माणको कुनै सुरसार छैन।
पुल क्षतिग्रस्त भएको यति धेरै समय बितिसक्दा पनि पुनर्निर्माणको काम सुरु हुन नसक्नु मन्त्रालय र विभागकै बेवास्ता भएको स्थानीयले बताए । नेपाल सरकारको करिब ११ करोड २७ लाख रुपियाँ लागत रहेको १२ स्पान ३०७ मिटर लम्बाइको उक्त पुलमा साढे पाँच मिटर इन्टर मिडियट ९सवारी सञ्चालन हुने भाग० रहेको छ।
सुरुमा नौ करोड ७६ लाख रुपियाँमा ठेक्का सम्झौता भएको तर मूल्य समायोजनका कारण लागत रकम बढ्दै जाँदा ११ करोड २७ लाख रुपियाँ पुगे पनि पुलको हबीगत भने जस्ताको तस्तै छ। नगरपालिकाको केन्द्र बेल्टार पुग्ने सडकअन्तर्गत सिवाई र बेल्हा जोड्ने गरी १३ वर्षअघि अर्थात् २०६६ सालमा निर्माण सुरु भएको सो मोटरेबल पक्की पुल २०७८ साल असार १९ गते त्रियुगा नदीमा आएको बाढीका कारण पिल्लर भासिएर क्षतिग्रस्त भएको थियो।
