सात दिनभित्र स्पष्टीकरण पेश गर्न गृहको निर्देशन

काठमाडौं । गृह मन्त्रालय, प्रहरी कर्मचारी महाशाखाले प्राविधिक प्रहरी निरीक्षकद्वय डा. विशालजंग ठकुरी र कार्तिकेश झासँग स्पष्टीकरण सोधेको छ । गृह मन्त्रालयले दुई जना प्रहरी निरीक्षकसँग स्पष्टीकरण सोधेको हो । नुवाकोटका ठकुरी नेपाल प्रहरी अस्पताल महाराजगन्जमा कार्यरत छन् । उनी कार्तिक ८ देखि अस्पतालमा हाजिर नभएको गृहले उनलाई सात दिनभित्र स्पष्टीकरण पेश गर्न भनेको छ ।

झा २२ कात्तिकबाट कार्यालयमा हाजिर नभएको जनाइएको छ । उनी केन्द्रीय प्रहरी विधि विज्ञान प्रयोगशालामा कार्यरत उनलाई पनि सात दिनभित्र स्पष्टीकरणको जवाफ दिन निर्देशन दिएको छ । चित्त बुझ्दो जवाफ नदिए दुबैलाई ‘भविष्यमा सरकारी सेवाका लागि अयोग्य नठहरिने गरी सेवाबाट हटाउने चेतावनी गृहले दिएको छ ।