सामुदायिक विद्यालयमा किन उपेक्षा ?

भरतपुर । बाल श्रमबाट उद्धार गरिएका बालबालिकालाई सामुदायिक विद्यालयले भर्ना लिन नमान्ने गरेको सरोकारवालाले बताएका छन् । विभिन्न स्थानबाट उद्धार गरिएका पूर्व बालश्रमिकलाई भरतपुरका सामुदायिक विद्यालयमा भर्ना गर्नै कठिन हुने गरेको यस क्षेत्रमा काम गर्दै आएका व्यक्तिले बताएका छन् ।

बजार क्षेत्रका सामुदायिक विद्यालयले पूर्व बालश्रमिकहरूको भर्ना गर्न नमान्ने गरेको दियालो परिवार नारायणगढका कार्यकारी निर्देशक राजगोविन्द शिल्पकारले बताए । जोखिममा रहेका बालबालिका उद्धार गरेपछि भरतपुरमा धेरै बालगृहमा राख्न नमान्ने गरेको भन्दै उनले केही दिन राखे पनि पुनः सकेनौँ भनेर फिर्ता गर्ने गरेका गुनासो गरे ।

दियालो परिवारमा रहेको बाल्प हेल्पलाइनले चितवनसँगै नवलपुर, तनहुँ, लमजुङ, गोरखा र धादिङ हेर्ने गरेको कार्यकारी निर्देशक शिल्पकारले बताए ।