- २८ जेष्ठ २०८३, बिहीबार / Jun 11, 2026
काठमाडौं । भारत भ्रमणका रहेका परराष्ट्रमन्त्री प्रदीपकुमार ज्ञवालीले एस जसशंकरसँग दुई देशको बीचमा रहेको सीमा विवादलाई समाधान गर्न वार्ता थालनीको प्रस्ताव गरेका छन् ।
औपचारिक बैठकमा एजेण्डा नबनाएका मन्त्री ज्ञवालीले शुक्रबार नेपाल–भारत संयुक्त आयोगको बैठकबस्नु अघि सो प्रस्ताव गरेका हुन् । दुई देशको परराष्ट्र सचिवस्तरीय संयन्त्रको वैठक वा सीमामा केन्द्रित रहेर अन्य कुनै वार्ता थालनी गर्नुपर्ने प्रस्ताव गरेका थिए । तर भारतीय विदेशमन्त्रीले यस सम्बन्धमा ठोस जवाफ दिन मानेनन् ।
आयोगको वैठकबाट सीमा सम्बन्धी विषयलाई एक कदम अगाडि लैजाने नेपालको तयारी थियो तर आयोगमा यसलाई कुनै एजेण्डा नै बनाइएन् ।
त्यसैगरी कालापानी र सुस्ताबाहेक अन्य ठाउँमा रहेका सीमा सम्बन्धी समस्या समाधान गर्ने र आवश्यक परेमा कालापानी र सुस्तामा पनि प्राविधिक सहयोग गर्ने म्यान्डेट पाएको बाउन्ड्री वर्किङ ग्रुपको काम र यसको वैठकको बारेमा पनि आयोगको बैठकमा छलफल भएन् ।
गएको नोभेम्बरमा भारतीय विदेश सचिव हर्षवर्द्धन श्रंगलाको भ्रमणदेखि नै सिमा सम्बन्धी छलफल भएको भनी एक अमूर्त वाक्य उल्लेख गर्नेबाहेक सीमा विवादको सम्बन्धमा केही प्रक्रिया अगाडि बढेको छैन ।
