- १६ भाद्र २०८३, मंगलवार / Sep 1, 2026
सोलुखुम्बु । सोलुखुम्बु जिल्लाको लुक्ला विमानस्थल नजिकै वनमा आगलागी भएको छ । जिल्लाको तेन्जिङ हिल्लारी विमानस्थल लुक्ला नजिकैको वनमा लागेको आगो फेरि फैलिन सुरु भएको हो । खुम्बु पासाङ ल्हामु गाउँपालिका २ नाक्चुङमा रहेको हरियाली सामुदायिक वनमा डढेलो नियन्त्रण आए पनि हावाहुरीका कारण पुनः फैलिएको हो ।
आगोका कारण सल्ला, उत्तिसलगायतका प्रजातिका बोटबिरुवाहरु नष्ट भएका छन् । तीव्र गतिको हावाको वेगका कारण स्थानीयवासी, प्रहरीसहित फायर फाइटिङ हेलिकप्टरले निभाउन नसकेको आगो राति शीतका कारण आफैँ नियन्त्रणमा आएको थियो ।
