- ५ कार्तिक २०८३, बिहीबार / Oct 22, 2026
काठमाडौं । निर्वाचन आयोगले स्थानीय तह निर्वाचनको तयारीबारे जानकारी दिन र दलहरुबाट रायसुझाव लिन शुक्रबार विहान दलहरुसंग छलफल गर्दै छ ।
संघ, प्रदेश र स्थानीय तहमा प्रतिनिधित्व गर्ने १७ राजनीतिक दलका दुई–दुई जना प्रतिनिधिहरुलाई आयोगले आगामी वैशाख ३० गते हुने स्थानीय तह निर्वाचनबारे शुक्रबार बिहान ११ः३० बजे छलफलका लागि बोलाएको प्रवक्ता शालिग्राम शर्मा पौडेलले जानकारी दिए ।
पौडेलले सरकारले बैशाख ३०का लागि निर्वाचन घोषणा भएको करिब एक महिना पुगेको र आयोगले निर्वाचनका लागि गरेका क्रियाकलापहरुबारे दलहरुलाई जानकारी दिने तथा आयोगसंग दलहरुले गरेको अपेक्षाबारे जानकारी लिदैं छलफल तथा अन्तरक्रिया गरिने बताए ।
२०७४ सालको स्थानीय तह निर्वाचनमा ८० दलले दल दर्ताका लागि निवेदन दिएकोमा ५७ दलले भाग लिएको र निर्वाचनमा भाग लिएकामध्ये १८ राजनीतिक दलको स्थानीय तहमा प्रतिनिधित्व रहेको छ ।
यस पटकको स्थानीय तह निर्वाचनका लागि आयोगले ऋषि कट्टेल नेतृत्वको नेकपाबाहेक ७९ दललाई मान्यता दिएको छ ।
