स्वस्थ र मस्त रहन हेटौडामा अमृत अर्थात सोम साधना सम्पन्न

हेटौडा । मकवानपुरको हेटौडामा बुद्ध जयन्तीको अवसरपारेर हिमालयन सिंगिङ बल साधना सम्पन्न भएको छ । मकवानपुरको हेटौडास्थित नारायणी मलमा रहेको कलिउड सुपर डान्स एण्ड फिटनेस प्रा.लिको आयोजनामा बुद्ध जयन्तीको अवसर पारेर हिमालयन सिंगिङ बल साधना भएको हो ।

कलिउड सुपर डान्स एण्ड फिटनेस प्रा.लिका सस्थापक सुजन श्रेष्ठले हेटौडाबासीलाई स्वस्थ र मस्त बनाउन डान्स र फिट्नेसका कार्यक्रमहरु आयोजना गरेको जानकारी दिए । उनले स्वस्थ नागरिक बनाउन योग, डान्स र फिट्नेसले महत्वपूर्ण भूमिका खेल्ने भएकाले आफ्नो सस्था स्थापनकालदेखि नै यस्ता कार्यक्रमहरु आयोजना गरिएको बताए ।

३२ वर्षदेखि साधना गर्दै आएका चन्द्रहरी कायस्थ (श्रीहरी)ले २ वर्षदेखि निरन्तर पाहाडको टुप्पोमा पुगेर समेत साधना गरिरहेका छन् । उनले पहिलो चोटी बुद्धपूर्णीमाको अवसरपारेर सर्वसाधारणलाई साधनामा समावेश गरेको जानकारी दिए । श्रीहरीले प्रत्यक व्यक्तिलाई आध्यात्मिक र मानसिक चेताना अभिवृद्धि गराउने उदेश्यले प्रत्यक महिनाको पूर्णिमाको दिन यस्तो खालको साधना गर्न गराउँन व्यक्ति संघ–संस्था र सम्बन्धित निकाय समेत अनुरोध गरे ।

विहानको समय र साझ ७ देखि ८ उदाउँदो चन्द्रमा(अमृत साधना अर्थात सोम साधना गरिएको बताउँदै साउन्ड हिलिङ्गलाई पनि साधनामा प्रयोग गरिएको साधक एंव प्रशिक्षक चन्द्रहरि कायस्थ (श्रीहरि)ले बताए । हेटौडामा मकवानपुरका प्रमुख जिल्ला अधिकारी राजेन्द्रदेव पाण्डे सहितको उपस्थितीमा करिब ३५ जनालाई उक्त साधना गराइएको थियो ।