हाइलक्स जीप दुर्घटना हुँदा स्याङ्जामा एक जनाको मृत्यु

काठमाडौं । स्याङ्जा जिल्ला समन्वय समितिको गाडी दुर्घटना हुँदा १ जनाको मृत्यु भएको छ । पर्वतबाट स्याङ्जातर्फ आउँदै गरेको हाइलक्स जीप स्याङ्जाको अर्जुनचौपारी गाउँपालिका–३ खोलेमा दुर्घटना भएको हो । समितिका समन्वय अधिकारी राजेन्द्रप्रसाद अधिकारी, अम्बिका पौडेल र टीकाराम पौडेल घाइते भएको स्याङजा प्रहरीले जनाएको छ ।

गाडी सडकबाट करिब ५० मिटर तल खस्दा एक जनाको मृत्यु भएको हो । दुर्घटनामा जीपका चालक वालिङ नगरपालिका–४ एलादीका ३५ वर्षीय अमृत खनालको मृत्यु भएको प्रहरीले जनाएको छ ।