हावामा कोरोना भाइरस छ कि छैन ? पत्ता लगाउने मेसिन आयो

एजेन्सी । हावामा कोरोना भाइरस छ कि छैन पत्ता लगाउने डिभाइस बनाएको रुसले दाबी गरेको छ । यो डिभाइसले कोरोना भाइरस पत्ता मात्र लगाउने नभइ हावामा भएको विषालु पदार्थ र कतिपय खतरानाक भाइरस भए नभएको समेत सूचना दिने दावी गरेको छ ।

यो डिभाइस रुसको केएमजे फ्याक्ट्रीले रक्षा मन्त्रालय र कोरोना भ्याक्सिन बनाउने गामालेया इस्टिट्यूटको सहकार्यमा तयार गरिएको हो । यो डिभाइसको नाम डिटेक्टर बायो रहेको छ । डिटेक्टर वायो कुनै पकेट डिभाइस होइन । यो रेफ्रिजरेटर जस्तो हुन्छ ।

बाहिरबाट हेर्दा स–सानो प्रयोगशाला नैहो । यसले हावालाई भित्र तानेर त्यसको परीक्षण गर्छ । यो एक प्रकारको मिनी प्रयोगशालाहरुको श्रृंखलामा कोरोना भाइरसको स्थितिको बारेमा पत्ता लगाउनमा सक्षम रहेको बताइएको छ । यसले भरपर्दो परीक्षणका लागि आफू वरिपरिको हावाको दुई पटकसम्म जाँच गर्दछ ।