हुम्लामा कैदीबन्दी विजोग

हुम्ला । जिल्ला कारागार हुम्लामा रहेका कैदीबन्दीको विजोग भएको छ । व्यक्तिगत खर्चले औषधोपचार गर्नुपरेपछि उनीहरुको विजोग भएको हो । कुनै सेवा सुविधा नपाएको कैदीबन्दीको गुनासो छ ।

सर्केगाड गाउँपालिका–६ का धनलाल रोकायालाई जिल्ला अदालतबाट मङ्सिर १८ गते छ वर्ष कैद र रु दुई लाख क्षतिपूर्ति भराउने फैसला सुनाएको थियो । फैसला भएको करिब दुई महिना बितिसक्दा पनि उनलाई हालसम्म कारागार स्थानान्तरण गरिएको छैन ।

उनले भने, ‘जिल्ला कारागारको भवन अभावमा प्रहरीको हिरासतमा बस्नुपरेको छ, औषधोपचारका लागि पनि आफैँले आर्थिक खर्च गर्नुपर्ने, खेल्ने, सरसफाइदेखि अन्य सेवा सुविधा उपभोग गर्नसमेत पाएको छैन ।’