बन्धुकधारीले जथाभावी गोली प्रहार गर्दा स्वीडेनको एक विद्यालयमा १० जनाको मृत्यु

एजेन्सी । स्वीडेनमा १० जनाको मृत्यु भएको छ । एक विद्यालय परिसरमा अन्धाधुन्ध गोली प्रहार हुँदा १० जनाको मृत्यु भएको हो । गोली प्रहार गर्ने व्यक्ति प्रहरीको कारवाहीमा मारिएका छन् ।

घटनामा गोली लागेका पाँचजनाको उपचार भइरहेको र उनीहरुको अवस्था गम्भीर रहेको बुझिएको छ । राजधानी स्टकहोमबाट २ सय किलोमिटर पश्चिममा रहेको ओरेब्रोको रिसबर्गस्का विद्यालय परिसरमा प्रवेश गरेका बन्धुकधारीले जथाभावी गोली प्रहार गर्दा उनीहरुको मृत्यु भएको जनाइएको छ ।

उक्त विद्यालयमा प्राथमिक र माध्यमिक तहको पढाइ हुने गरेको बुझिएको छ । स्वीडेनका प्रधानमन्त्री उल्फ क्रिस्टर्सनले यो घटनालाई स्वीडेनको इतिहासमै सबैभन्दा खराब सामूहिक गोलाबारीको संज्ञा दिदै घटनाप्रति दुःख व्यक्त गरेका छन् ।