उपभोग्य वस्तुको मूल्य बढाउनेलाई कडा कार्वाही गर्न गृहमन्त्रीको निर्देशन

काठमाडौं । कोरोना भाइरसको त्रास फैलिरहेका वेला बजारमा दैनिक उपभोग्य वस्तुको मूल्य बढाउनेलेलाई कडा कार्वाही गर्नेगृह मन्त्रालयले जनाएको छ ।

गृह मन्त्रालयले अनुगमनलाई तीब्रता दिदै माक्स लगायत दैनिक अत्यावश्यक सामग्रीको आपूर्ति व्यवस्थापनमा सहजिकरण गर्ने निर्णय गरेको छ । गृहमन्त्री रामबहादुर थापा बादलको अध्यक्षतामा आज (शुक्रबार) सिंहदरबारमा बसेको बैठकले यो निर्णय गरेको हो ।

सीमा नाकामा आवतजावत गर्नेमाथि सुरक्षाकर्मीबाट थप निगरानी बढाउन निर्देशन समेत दिएका छन् । बैठकमा प्रहरी महानिरीक्षक ठाकुरप्रसाद ज्ञवाली, सशस्त्र प्रहरी बलका प्रमुख शैलेन्द्र खनाल, नेपाली सेनाका उपरथी प्रभुराम शर्मा लगायतको उपस्थित रहेको थियो ।