तनाब हुन्छ महोदय

खाडी आउँछ, पि.आर आउँछ, अनी बल्ल नेपाल आउँछ
भोकले मान्छ मरेकै घरमा, मरौटीमा चामल आउँछ

सक्नेका लागि मात्रै हो, भुकम्प-कोरोना र सलह त
गरीबको झुपडीमा, केबल अनिकाल आउँछ

सरकारको बिरोध झुक्केर पनि नगर्नुहोस् है हजुर,
पाइलै पिच्छे चिल्नलाई, टन्न अरिङ्गआल आउँछ।

कसरी भाँचिन्छ होला है त्यो बुढेसकालको साहारा
जब खाडीबाट बाक्सामा, दिन्कै नन्दलाल आउँछ

डुबेर मरे या मारेर डुबायीये ती नवराजहरु
भयो छोडिदिनुस् नसोध्नुस्, जात भातको सवाल आउँछ

देशको झन्डाले त केबल तनाब हुन्छ महोदय
पार्टीको झन्डा सिरानमा राख्नुस्, निन्द्रा पक्कै बबाल आउँछ

२२ असार २०७७