- ९ भाद्र २०८३, मंगलवार / Aug 25, 2026
पर्वत । विभिन्न सामानहरू र गाडीसहित एक जनालाई कास्की प्रहरीले पक्राउ गरेको छ। जिल्ला प्रहरी कार्यालय कास्कीले विभिन्न ६० प्रकारका अवैध सामान सहित उनीहरुलाई पक्राउ गरेको हो ।
जिल्ला प्रहरी कार्यालय कास्कीबाट खटिएको प्रहरी टोलीले भाडामा लिएको घरको कोठामा लुकाई छिपाई राखेको अवस्थामा बिल नभएको अवैध सामानहरू र ग २ च ३७२ नं को मारुती कारसहित बरामद गरेको हो। बरामद भएका सामग्रीहरूको अनुमानित मूल्य पाँच लाख २८ हजार रुपैयाँभन्दा बढी रहेको जनाएको छ।
पक्राउ परेकालाई आवश्यक कानुनी कारबाहीको लागि राजश्व अनुसन्धान कार्यालय बुटवल रुपन्देही पठाइएको छ। कास्कीको माछापुच्छ्रे गाउँपालिका–३ घाचोक घर भई हाल पोखरा महानगरपालिका–४ बागलुङ बसपार्कमा बस्दै आएका ५६ वर्षीय सुरत बहादुर रानाभाट पक्राउ परेका हुन्।
रानाभाटले बागलुङ बसपार्कमा नै घर भाडामा लिएर स्रोत नखुलेका चुरोट, गुट्का, जुस लगायतका अवैध सामग्रीहरूको बेचबिखन तथा कारोबार गर्ने गरेको भन्ने गोप्य सूचनाको आधारमा प्रहरीले उनलाई नियन्त्रणमा लिएको हो।
