ऋषिनी प्रवज्यामा ९५ जना महिला सहभागी

काठमाडौं । लुम्बिनीमा अल्पकालीन ऋषिनी प्रवज्या सम्पन्न भएको छ । तथागत गौतम बुद्धको जन्म भुमि लुम्बिनीमा राजकीय थाई विहार, लुम्बिनी र विश्व शान्ति विहार, काठमाडौंको संयुक्त आयोजनामा प्रवज्या सम्पन्न भएको हो । उक्त प्रवज्यामा ९५ जना महिला सहभागी भएका थिए ।

चौथो पटक भएको प्रवज्याले विश्वमा बुद्ध धर्मको प्रचार प्रसारमा सहयोग पुग्ने विश्वास लिईएको छ । थेरवाद बौद्ध परम्परा अनुसार सहभागी महिलाहरूलाई प्रवज्या गरेर ८ दिनसम्म बौद्ध दर्शन र विपश्यना ध्यान भावना गराईएको थियो । थाई बिहारका प्रमुख भिक्षु फ्रा श्रीवोधिविदेस सुफोट र विश्व शान्ति विहारका भिक्षु बोधिज्ञान महास्थविरले धर्म देशना गरेका थिए ।