- २९ श्रावण २०८३, शुक्रबार / Aug 14, 2026
काठमाडौं, १९ बैशाख । जल तथा मौसम विज्ञान विभाग अन्तर्गतको मौसम पूर्वानुमान महाशाखाका अनुसार आज देशका विभिन्न भूभागमा वर्षाको सम्भावना रहेको छ ।
आज दिउँसो मधेश प्रदेश सहित लुम्बिनी प्रदेश र सुदूरपश्चिम प्रदेश का तराई क्षेत्रमा थोरै स्थानमा मेघगर्जन, चट्याङ, हावाहुरी तथा असिनासहित मध्यमसम्मको वर्षा हुनसक्ने महाशाखाले जनाएको छ ।
महाशाखाका अनुसार कोशी प्रदेश, मधेश, बागमती प्रदेश, गण्डकी प्रदेश र लुम्बिनी प्रदेशका साथै कर्णाली प्रदेश र सुदूरपश्चिम प्रदेशका पहाडी तथा हिमाली भूभागमा सामान्यदेखि आंशिक बदली रहनेछ । सुदूरपश्चिमका तराई क्षेत्रमा आंशिक बदली रहने अनुमान गरिएको छ ।
आज राति कोशी, मधेश, बागमती र गण्डकी प्रदेशका साथै देशका पहाडी र हिमाली क्षेत्रमा सामान्य बदली रहनेछ भने तराई क्षेत्रमा आंशिक बदली रहनेछ ।
कोशी, मधेश, बागमती र गण्डकी प्रदेशका केही स्थानमा तथा लुम्बिनी र कर्णाली प्रदेशका पहाडी र हिमाली क्षेत्रका थोरै स्थानमा मेघगर्जन, चट्याङ, हावाहुरी र असिनासहित मध्यम वर्षाको सम्भावना रहेको छ । अन्य भूभागका एक–दुई स्थानमा पनि हल्का वर्षा हुन सक्ने पूर्वानुमान गरिएको छ ।
