- २६ असार २०८३, शुक्रबार / Jul 10, 2026
काठमाण्डौ, ५ जेठ । अमेरिकी डलरको भाउ हालसम्मकै उच्च स्तरमा पुगेको छ। नेपाल राष्ट्र बैंकका अनुसार आज मंगलबारका लागि अमेरिकी डलरको विनिमय दर नयाँ रेकर्डमा पुगेको हो।
नेपाल राष्ट्र बैंक ले एक अमेरिकी डलरको खरिद मूल्य १५३ रुपैयाँ ८६ पैसा र बिक्री मूल्य १५४ रुपैयाँ ४६ पैसा तोकेको छ, जुन अहिलेसम्मकै उच्च दर हो। हिजोको तुलनामा डलरको भाउ बढेको छ। हिजो एक डलरको खरिददर १५३ रुपैयाँ २५ पैसा र बिक्रीदर १५३ रुपैयाँ ८५ पैसा थियो। भारतमा डलरको मूल्य बढेसँगै नेपालमा पनि यसको प्रभाव परेको बताइएको छ।
डलर महँगो हुँदा रेमिट्यान्स, निर्यात र विदेशी पर्यटनबाट हुने आम्दानी बढ्ने भए पनि आयात भने महँगो हुने गर्छ। अन्य विदेशी मुद्राको दर पनि सार्वजनिक गरिएको छ।
युरोपियन युरो, युके पाउण्ड स्टर्लिङ, स्वीस फ्रयाङ्क, अष्ट्रेलियन डलर, क्यानेडियन डलर, सिङ्गापुर डलर, जापानी येन, चिनियाँ युआन, साउदी रियाल र कतारी रियालका विनिमय दर पनि तोकिएको राष्ट्र बैंकले जनाएको छ।
