- १० आश्विन २०८३, शनिबार / Sep 26, 2026
काठमाडौं । हत्यामा संलग्न रहेको आरोपमा एक जना भारतीयलाई नेपालबाट पक्राउ गरिएको छ। बंगलादेशका सांसद अनवारुल अजिम अनारको हत्याका मुख्य अभियुक्त सियाम हुसेन काठमाडौंबाट पक्राउ परेका हुन ।
नेपालबाट पक्राउ परेका भनिएका हुसेन सांसदको हत्या लगत्तै काठमाडौं गएको हल्ला चलेको थियो। उनी गत बिहीबार नै पक्राउ परेको ढाका ट्रिब्युनले जनाएको छ। हुसेनको सुपुर्दगीका लागि बंगलादेश दूतावासले कूटनीतिक पहल गरिरहेको बताइएको छ।
उपचारका लागि मे १२ मा भारत पुगेका सांसद अनार भोलिपल्टदेखि नै सम्पर्कविहीन बनेका थिए। मे २२ मा बंगलादेश सरकारले उनको मृत्युको पुष्टि गरेको थियो। सांसद अनारको हत्यामा संलग्न रहेको आरोप लागेका अन्य अभियुक्त पनि हत्यापछि नेपालमा रहेको आशंका गरिएको छ।
सांसद अनार प्रधानमन्त्री शेख हसिनाको अवामी लिग पार्टीका सांसद हुन्। उनले २०१४, २०१८ र २०२४ मा झेनैदह–४ बाट चुनाव जितेका थिए। ढाका महानगरीय प्रहरीको डिटेक्टिभ ब्रान्च (डीबी) को चार सदस्यीय टोली शनिबार बिहान नै ढाकाबाट काठमाडौंतर्फ प्रस्थान गरेको समेत ढाका ट्रिब्युनले उल्लेख गरेको छ।
