ट्रयाक्टर दुर्घटना हुदाँ सप्तरीमा २ जनाको मृत्यु, २४ घाइते, केहीको अवस्था गम्भीर

सप्तरी । ट्रयाक्टर दुर्घटना हुदाँ सप्तरीमा २ जनाको मृत्यु भएको छ । कञ्चनपुर राजविराज हुलाकी सडक खण्डको महुली र सुन्दरी पुलको विचमा पर्ने सुब्बाटोल नजिक सडकमा भएको उक्त दुर्घटनामा घटनास्थलमै दुई जनाको मृत्यु भएको हो ।

दुरघटनामा २४ जना घाइते भएको सप्तरी प्रहरीले जनाएको छ । मृत्यु हुनेमा सिरहा लाहान १९ बस्ने ३२ को मोहम्मद इसाद र सप्तरीको कञ्चनरुप नगरपालिका–७ का २१ सुशिल राम रहेका छन् ।

घाइते मध्ये १४ जनाको विराटनगरको गोल्डेन सिटी अस्पताल र अन्यको कञ्चनरूपस्थित धर्मेश्वर हस्पिटलमा उपचार भइरहेको छ। घाइते मध्ये केहीको अवस्था गम्भीर रहेको प्रहरीले जनाएको छ।

शनिवार हुलाकी सडक भएर राजविराज तर्फबाट आँप लिए कञ्चनपुर आउँदै गरेको अवस्थामा स १ त ६२९५ नम्बरको ट्रयाक्टर दुर्घटना हुदाँ घटना भएको हो ।