- १५ जेष्ठ २०८३, शुक्रबार / May 29, 2026
मुख्य बुँदा
नयाँ बानेश्वर क्षेत्रमा प्रहरी गोली लागेर एक जेन–जी प्रदर्शनकारीको मृत्यु।
मृत्युपछि बानेश्वर चोक थप तनावग्रस्त, कर्फ्यू प्रभावहीन।
संसद भवन परिसरमा प्रदर्शनकारीले बारम्बार आगजनी प्रयास, प्रहरीले अश्रुग्यास, रबर गोली, पानीको फोहोरा र इट्टा प्रहार।
भागदौडमा कतिपय घाइते, ७० भन्दा बढी घाइतेहरूको सिभिल अस्पतालमा उपचार जारी।
काठमाडौँ, २३ भाद्र । नयाँ बानेश्वर क्षेत्रमा ‘जेन–जी’ प्रदर्शनकारीमाथि प्रहरीले प्रहार गरेको गोली लागेर एक जनाको मृत्यु भएपछि चोक थप तनावग्रस्त बनेको छ।
सरकारले कर्फ्यू घोषणा गरेपनि अहिले प्रदर्शनकारी अझ आक्रोशित हुँदै प्रदर्शन गरिरहेका छन्। प्रदर्शनकारीहरूले बानेश्वर चोकको कुनामा रहेको संसद् भवन परिसरमा बारम्बार आगजनीको प्रयास गरेका छन्। भागदौडका क्रममा कतिपय घाइते भएका छन्।
संसद् परिसरभित्रबाट प्रहरीले बारम्बार अश्रुग्यास, रबरको गोली, पानीको फोहोरा र इट्टा प्रहार गरिरहेको छ। घाइते भएका ७० जना बढी प्रदर्शनकारीको सिभिल अस्पतालमा उपचार भइरहेको छ। अस्पतालका कार्यकारी निर्देशक प्राध्यापक डाक्टर मोहनचन्द्र रेग्मीले मृतकको सनाखत हुन बाँकी रहेको जानकारी दिएका छन्।
प्रदर्शन र प्रहरी हस्तक्षेपबीच बानेश्वर चोकमा स्थिति तनावग्रस्त रहेको र कर्फ्यू प्रभावहीन देखिएको सुरक्षा अधिकारीहरूले बताएका छन्।
