भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

भोटेकोशी बाढी : १ हजार ३६४ जनाको शव फेला, ४ हजार ७७ जना अझै बेपत्ता

भोटेकोशी बाढी : १ हजार ३६४ जनाको शव फेला, ४ हजार ७७ जना अझै बेपत्ता

काठमाडौं, २३ भदौ । रसुवाको भोटेकोशीमा आएको विनाशकारी बाढीका कारण मंगलबार साँझ ५ बजेसम्म १ हजार ३६४ जनाको शव फेला परेको छ । प्रहरी प्रधान कार्यालयले मंगलबार साँझ सार्वजनिक गरेको विवरणअनुसार रसुवामा १७३, नुवाकोटमा १९७, धादिङमा ७०, चितवनमा ३६३, गोरखामा ७५, तनहुँमा ३८, नवलपरासी पूर्वमा २२६ र नवलपरासी पश्चिममा २२२ जनाको शव फेला परेको हो ।

यसरी विभिन्न जिल्लाबाट गरी हालसम्म १ हजार ३६४ जनाको शव फेला परेको प्रहरीले जनाएको छ । फेला परेका शवको पहिचानका लागि डीएनए नमुना सङ्कलनलगायत आवश्यक प्रक्रिया पूरा गरी हालसम्म १ हजार १४० वटा शव व्यवस्थापन गरिएको छ । पहिचान हुन बाँकी शवको सनाखतका लागि प्रक्रिया जारी रहेको छ ।

प्रहरीका अनुसार मृतकका १ हजार २८० र आफन्तका १ हजार ४१२ गरी कुल २ हजार ६९२ वटा डीएनए नमुना सङ्कलन गरिएको छ ।त्यसैगरी, पहिचान हुन नसकेका १ हजार ३१० वटा शवको विवरण नेपाल प्रहरीको वेबसाइटमा समेत अपलोड गरिएको छ । बाढी प्रभावित क्षेत्रमा उद्धार, खोजी, राहत वितरण तथा शव व्यवस्थापनलगायतका कार्यका लागि हालसम्म ७ हजार ९७५ जना प्रहरी कर्मचारी परिचालन गरिएको प्रहरी प्रधान कार्यालयले जनाएको छ ।

प्रहरीका अनुसार हालसम्म ४ हजार ७७ जना बेपत्ता छन् । उनीहरूको खोजी कार्य विभिन्न प्रभावित क्षेत्रमा जारी रहेको छ । यसैगरी, विभिन्न जिल्लामा सञ्चालन गरिएका होल्डिङ सेन्टरमा हाल ३ हजार २४५ जनालाई राखिएको जनाइएको छ । उनीहरूको व्यवस्थापन तथा आवश्यक सहयोगका कामसमेत जारी रहेको प्रहरीले जनाएको छ ।

 


Thali Mobile Pvt.Ltd.