- २२ असार २०८३, सोमबार / Jul 6, 2026
भक्तपुर । लामखुट्टे खोज र नष्ट गर अभियान चलाएपनि भक्तपुर जिल्लामा डेंगी रोगी बढेको जनस्वास्थ्य कार्यालय भक्तपुरले जनाएको छ । स्वास्थ्यसँंग सम्वन्धित पत्रकार तथा स्वास्थ्यकर्मीहरुसँंगको अन्तरक्रिया कार्यक्रममा यस्तो बताइएको हो ।
केही हप्ता अघि उक्त अभियान चलाएको र अहिले जिल्लाभर एक हजार सात सयका दरले विरामी बढेको दावी कार्यालयको छ । यसबाट सबै सजग रहनु पर्ने कार्यालय प्रमुख शान्तिराम खतिवडाले बताए । जनचेतना मूलक कार्यक्रम गरेर जिल्लाबासीलाई सचेत गराउँने कार्य निरन्तर भएको स्वास्थ्यकर्मी दिपक अच्छामीले बताए ।
तर स्वास्थ्य सस्थामा विरामी बढेको बढेइ स्वास्थ्य कार्यालय मुक दर्शक बनेको सरोकारवालाको आरोप छ । यो संगै जनस्वास्थ्य कार्यालयको वार्षिक स्वास्थ्य कार्यक्रमका बारेमा प्रस्तुती गरिएको थिया ।
कार्यक्रममा डेंगी नियन्त्रणमा कार्यालय चल्नु पर्ने र मातहतका कार्यालयलाई परिचालन गर्नु पर्ने पत्रकारहरुले सूझाएका थिए । कार्यक्रममा दुई दर्जनबढी पत्रकारहरुको सहभागी रहेको थियो ।
