- ६ कार्तिक २०८३, शुक्रबार / Oct 23, 2026
काठमाण्डौ, १८ चैत्र । हिजो बेलुका परेको वर्षाका कारण अवरुद्ध भएको बीपी राजमार्गमा पुनः गाडी सञ्चालनमा आएको छ। भकुण्डे–नेपालथोक खण्डमा परेको भारी वर्षाका कारण रोशी खोलामा पानीको बहाव बढेपछि जोखिमलाई ध्यानमा राख्दै जिल्ला प्रहरी कार्यालय काभ्रेले यातायात रोकेको थियो।
मौसममा सुधार आएपछि अहिले राजमार्गमा दुईतर्फी आवागमन सञ्चालनमा आएको छ। जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक रविन विष्टका अनुसार यात्रु र चालकलाई सुरक्षित तरिकाले यात्रा गर्न आग्रह गरिएको छ।
यसअघि गएको शुक्रबार रोशी खोलामा आएको बाढीले दुई दिनसम्म राजमार्ग अवरुद्ध भएको थियो। अघिल्लो वर्ष असोजमा आएको बाढीपहिरोले चौकीडाँडा–नेपालथोक सडकखण्ड क्षतिग्रस्त बनाएपछि हाल खोलामै अस्थायी सडक र डाइभर्सनमार्फत सञ्चालन हुँदै आएको छ।
