रुपन्देहीको सैनमैनामा बस दुर्घटना, चालकसहित ४३ जना घाइते

बुटवल । दाङबाट काठमाडौँका लागि छुटेको रा १ ख २७८३ नम्बरको बस रुपन्देहीको सैनामैनमा दुर्घटना भएको छ । सैनामैना नगरपालिका–१० सालझन्डी बजारस्थित पुलमा बिग्रेर राखेको लु१ख ६८७ नम्बरको बालुवा बोकेको ट्रकमा ठोक्किँदा दुर्घटना भएको हो ।

जिल्ला प्रहरी कार्यालय रुपन्देहीले दुर्घटनामा बस चालक र यात्रुसहित ४३ जना घाइते भएको जनाएको छ । बुटवलका विभिन्न अस्पतालमा सामान्य उपचारपछि १९ जना डिस्चार्ज भइसकेका छन् भने २४ जनाको उपचार भइरहेको छ ।