- ३० आश्विन २०८३, शुक्रबार / Oct 16, 2026
भक्तपुर । नेपाल नगरपालिका संघको संस्कृति तथा पर्यटन विभाग संयोजकमा चाँगुनारायण नगरपालिका प्रमुख जीवन खत्री मनोनित भएका छन् । राजधानीमा भएको संघ केन्दीय समिती बैठकले मेयर खत्रीलाई संयोजकमा मनोनित गरेको हो ।
संघका अध्यक्ष भिम प्रसाद ढुंगानाले मनोनीत खत्रीलाई प्रमाणपत्र हस्तान्तरण गरे । त्यस्तै, वन वातावरण तथा ब्यवस्थापन विभागको सदस्यमा चाँगुनारायण नगरपालिका वडा नंं १ का वडाध्यक्ष सिजन कार्की मनोनीत भएका छन् । सामाजिक सुरक्षा र समावेशीकरण विभागको सदस्यमा कागेश्वरी मनोहरा नगरपालिका वडा नंं ७ का वडाध्यक्ष भिमसेन थापा मनोनीत भएका छन् ।
सोमबार सम्पन्न बैठकमा ७ वटै प्रदेशका जनप्रतिनिधिहरु सहभागि बैठकले पालिकामा देखिएका समस्या बारे छलफल गरेका थिए । सात वटै प्रदेशबाट १४ वटा बिभाग गठन गरिएको छ । विभागमा बिभिन्न प्रदेश, जिल्ला, नगर प्रमुख, नगर उपप्रमुख र वडा अध्यक्षहरु विभागीय समितिमा चयन भएका छन् ।
