- २७ श्रावण २०८३, बुधबार / Aug 12, 2026
काठमाण्डौ । यो सिजनकै सबैभन्दा चिसो काठमाण्डौ उपत्यकामा शुक्रबार भएको छ । विहीबार काठमाण्डौ उपत्यकाको न्यूनतम तापक्रममा ५ डिग्री सेल्सियस थियो । देशका उच्च पहाडी भेगमा केही दिनदेखि हिमपात भैरहेकाले चिसो अझै बढ्ने सम्भावना छ । शुक्रबार काठमाण्डौमा बिहानको न्यूनतम तापक्रम तीन दशमलव सात डिग्री सेल्सियस छ ।
यो तापक्रम यो वर्षको जाडो सिजनको अहिलेसम्मकै सबैभन्दा कम रहेको जल तथा मौसम पूर्वानुमान महाशाखाले जनाएको छ । अहिले नेपालमा पश्चिमी वायुको आंशिक प्रभाव रहे पनि पानी पर्ने सम्भावना तत्काल नरहेको विभागले जनाएको छ । तराईका धेरै ठाउँहरुमा हुस्सु तथा कुहिरो लागेको छ ।
कोशी, गण्डकी र कर्णाली प्रदेशका उच्च पहाडी तथा हिमाली भेगका एक र दुई ठाउँमा हल्का हिमपातको सम्भावना रहेको महाशाखाले जनाएको छ । कोशी, गण्डकी र कर्णाली प्रदेशका उच्च पहाडी तथा हिमाली भेगका एक र दुई ठाउँमा हल्का हिमपातको सम्भावना रहेको महाशाखाले जनाएको छ ।
