- ८ बैशाख २०८३, मंगलवार / Apr 21, 2026
सुदूरपश्चिम । सुदूरपश्चिम प्रदेशमा कोरोना भाइरसको सङ्क्रमण दर उकालो लाग्न थालेको छ । पछिल्लो आठ दिनमा प्रदेशमा २१ जना कोरोना भाइरस सङ्क्रमित फेला परेको स्वास्थ्य निर्देशनालय दिपायलको तथ्याङ्क छ ।
यसअघि गत फागुन १२ देखि ३० गते सम्मको १८ दिन २६ जनामा कोरोनाको सङ्क्रमण देखिएको थियो । कोरोना सङ्क्रमित बढ्दै गएपनि यो रोगको रोकथाम र निगरानीका लागि त्यति चासो देखिएको पाइँदैन ।
कोरोना भाइरसको सङ्क्रमण बढेको भए पनि यसको रोकथाममा त्यति चासो नदेखाइएको गौरीफन्टा सीमानास्थित ‘हेल्थ डेस्क’का अहेब गणेश साउदले बताए ।
