मोरङ कारागारमा एक कैदीको मृत्यु

विराटनगर । मोरङ कारागारमा रहेका एक जना कैदीको मृत्यु भएको छ । लागूऔषध मुद्दामा जिल्ला अदालत मोरङबाट दोषी ठहर भएका मोरङको पथरीशनिश्चरे नगरपालिका–१० का ३९ वर्षीय धनबहादुर थापाको मृत्यु भएको हो ।

जिल्ला कारागार मोरङका जेलर चेतराज बरालका अनुसार थापालाई उपचारका लागि विराटनगरको कोशी अस्पताल लगिएको थियो । लगत्तै चिकित्सकले मृत घोषित गरेका थिए । खाना खाएर बसेका बेलामा अचानक बेहोस भएर थापा ढलेका थिए ।

मृतक थापालाई मुटु रोग सम्बन्धी पुरानै समस्या रहेको उनले बताए । यसअघि पनि उपचारका लागि बारम्बार अस्पताल लैजाने गरिएको र थापाले नियमित औषधि सेवन गरिहरको जानकारी बरालले दिए ।