डेनमार्ककी प्रधानमन्त्री मेतोमाथि सडकमै आक्रमण

काठमाडौं । डेनमार्ककी प्रधानमन्त्री मेतो फ्रेदेरिकसनलाई सडकमै आक्रमण भएको छ। डेनमार्कको राजधानी कोपनहेगनको कुलटोरभेटमा गएराति उहाँमाथि कुटपिट भएको हो। प्रधानमन्त्री मेतोलाई कुटपिट गरेको आरोपमा एक व्यक्ति पक्राउ परेका बीबीसीले उल्लेख गरेको छ ।

उनीमाथि आक्रमण र कुटपिट किन भएको हो भन्ने खुल्न सकेको छैन । घटनाबाट स्तब्ध भएको उनको कार्यालयले जनाएको छ । युरोपेली आयोगका प्रमुख उर्सुला भोन डेर लेयनले यस्तो कार्य घृणित र विश्वास गर्न नसकिने रहेको टिप्पणी गरेका छन् । एजेन्सी