- २८ बैशाख २०८३, सोमबार / May 11, 2026
काठमाडौं । कांग्रेस केन्द्रीय कार्यसमिति बैठक आज पनि बस्दैछ । पार्टी केन्द्रीय कार्यालय सानेपामा बैठक बस्ने प्रवक्ता डा। प्रकाशशरण महतले बताए । बैठकमा विभिन्न ११ प्रस्तावमाथि छलफल चलिरहेको छ।
बैठकमा बुधवार उपसभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्माले गरेका ११ प्रस्तावमाथि नेताहरुले आज पनि धारणा राख्नेछन् ।
बैठकमा धारणा राख्ने क्रममा मोहन बस्नेत महामन्त्रीद्वयले नक्कली भुटानी शरणार्थी प्रकरण र गिरीबन्धु टी इस्टेटको सम्बन्धमा दुई महामन्त्रीले सार्वजनिक रूपमा बोल्दा सत्ता गठबन्धनलाई अफ्ठ्यारो पारेको बताए ।
प्रधानमन्त्री केपी शर्मा ओलीले कांग्रेसका नेताहरु बोलेको इखका रुपमा लिएको भन्दै बस्नेतले गिरीबन्धु टी इस्टेटको कुरा उठाइराखे गठबन्धनलाई अप्ठ्यारो पर्ने र विकल्पका रुपमा ओलीपछि प्रधानमन्त्रीमा शेरबहादुर देउवालाई प्रधानमन्त्रीमा देख्न चाहेको बताए ।
