- २२ आश्विन २०८३, बिहीबार / Oct 8, 2026
एजेन्सी । बङ्गलादेशमा नोबेल पुरस्कार विजेता प्रोफेसर मोहम्मद युनुसले शपथ लिएका छन् । बङ्गलादेशमा गठन भएको अन्तरिम सरकारको प्रमुखका रुपमा उनले सपथ लिएका हुन । अन्तरिम सरकारको प्रमुखमा नियुक्त हुदाँ उनी फ्रान्सको राजधानी पेरिसमा थिए ।
बिहीबार मात्र ढाका फर्किएर उनले सपथ ग्रहण गरेका हुन । युनुस नेतृत्वको १७ सदस्यीय अन्तरिम सरकारमा आरक्षणविरोधी आन्दोलनको नेतृत्व गर्ने दुई जना विद्यार्थी नेता नासिद इस्लाम र आसिफ महमुद पनि हुन ।
शेख हसिनाले प्रधानमन्त्रीबाट राजीनामा दिएर देश छाडेपछि बङ्गलादेशको राजनीतिक संक्रमणकाललाई पार लगाउने जिम्मेवारी ८४ वर्षीय युनुसले पाएका छन् ।
अन्तरिम सरकारको प्रमुख सल्लाहकारको रुपमा राष्ट्रपति कार्यालय बंगभवनमा आयोजित विशेष समारोहबीच राष्ट्रपति मोहम्मद शहबुद्दीनसमक्ष पद तथा गोपनीयताको शपथ ग्रहण गरेका हुन ।
