संसदलाई विधिसंगत रूपमा छलफलको केन्द्र बनाऔँः सभामुख

काठमाडौं । प्रतिनिसभाका सभामुख देवराज घिमिरेले संसदलाई विधिसंगत रूपमा छलफलको केन्द्र बनाउन आग्रह गरेका छन् । बताएका छन्। आज बसेको प्रतिनिधि सभा बैठकमा नेपाली कांग्रेसले उठेर विरोध जनाएपश्चात संसदमा बोल्दै सभामुखले यस्तो आग्रह गरेका हुन्।

उनले संसद विधिसंगत रुपमा सञ्चालन गर्न सत्ता र प्रतिपक्ष दुवैले छलफलको केन्द्र बनाउन आवश्यक रहेको उल्लेख गरे। उनले संसदको कार्यभार पूरा गर्ने दायित्व सबैको भएको भन्दै सभा सञ्चालनमा सहयोग गर्न निर्देशन दिएका छन् ।

सभामुखको बारम्बार आग्रहपछि पनि बैठक अगाडि बढ्न नसकेपछि आजका सम्पूर्ण कार्यसूची हटाउँदै जेठ १३ गते आइतबार ११ बजे प्रतिनिधि सभा बैठक बस्नेगरी स्थगित गरिएको छ।