कांग्रेसको अवरोधपछि प्रतिनिधि सभा बैठक १३ गतेसम्मका लागि स्थगित

काठमाडौं । प्रमुख प्रतिपक्ष दल नेपाली कांग्रेसको अवरोधपछि प्रतिनिधि सभा बैठक १३ गतेसम्मका लागि स्थगित भएको छ। आज बैठक सुरु हुनेबित्तिकै कांग्रेसका सांसदहरूले उठेर अवरोध गरेका थिए।

सभामुख देवराज घिमिरेले सांसदहरूलाई बसेर बैठक चलाउन सहयोगका लागि पटक पटक विशेष अनुरोध गरे पनि उनीहरूले अवरोधलाई जारी राखेपछि आजको सम्पूर्ण कार्यसूची हटाई अर्को बैठक आइतबार जेठ १३ गतेका लागि बस्ने गरी स्थगित गरेका हुन् ।

प्रतिपक्षी नेपाली कांग्रेसले सहकारीको रकम हिनामिनामा गृहमन्त्री रवि लामिछाने संलग्न रहेको आरोप लगाउँदै उनको नाम किटानीका साथ कार्यादेश बनाउनुपर्ने मागसहित सदनमा अवरोध गर्दै आएको छ।