काभ्रेमा ‘एक घर, एक धारा’

काठमाडौं । काभ्रेको खानीखोला गाउँपालिकाको तीन सय २३ परिवारलाई घरघरै खानेपानी उपलब्ध गराइएको छ ।

‘एक घर, एक धारा’ अभियान कार्यक्रमअन्तर्गत दुई खानेपानी योजना सम्पन्न भएपछि वडा नं ३, ४ र ५ का परिवारका घरमै खानेपानी उपलब्ध गराएको हो ।

गाउँपालिकाको वडा नं ३ र ४ मा १ सय ७८ धारा निर्माण सम्पन्न भएका छन् भने वडा नं ५ मा एक सय ४५ घरमा धारा जडान गरी खानेपानी उपलब्ध गराइएको गाउँपालिका अध्यक्ष इन्द्रबहादुर थिङले बताए ।

दुवै खानेपानी आयोजना नेपाल स्वास्थ्यका लागि पानीको संयोजन, च्यारिटी वाटरको सहयोग र गाउँपालिकाको साझेदारीमा निर्माण सम्पन्न भएको हो ।