बैंकहरूमा सेयर कर्जाको माग

काठमाडौं । सेयर खरिदका लागि माग बढेको छ । यतिबेला सेयरधितो कर्जा माग गर्दै आवेदन दिनेको संख्या बढ्दै गएको बैंकर्सले बताएका छन् । पछिल्लो समय बैंकमा सेयर कर्जाबारे बुझ्न आउने र माग गर्नेको संख्या बढेको नेपाल बैंकर्स संघका अध्यक्ष तथा एनएमबी बैंकका सीईओ सुनिल केसीले बताए । उनले भने, ‘सेयर कर्जाको माग बढ्ने गरेको छ ।

अहिले सेयर कर्जाको माग बढेको हो ।’ साउनमा वाणिज्य बैंकबाट करिब २ अर्ब सेयरधितो कर्जा गएको छ । एक महिनामा जम्मा २ अर्ब कर्जा बढ्नुलाई धेरै बढेको मान्न सकिँदैन । तर साउन कर्जा प्रवाह सुस्त हुने महिना नै मानिन्छ ।

जसले गर्दा सेयर कर्जा प्रवाह पनि पर्याप्त भइनसकेको केसीले बताए । लगानीयोग्य रकम पर्याप्त रहेको र पुँजीकोषमा सहजता मिलेकाले बैंकहरुलाई यतिबेला सेयर धितो कर्जा दिन असहज छैन । एकल अंककै ब्याजदरमा बैंकहरुले सेयर धितो कर्जा दिन थालेका छन् ।