- ३ आश्विन २०८३, शनिबार / Sep 19, 2026
एजेन्सी । इरानका राष्ट्रपति इब्राहिम रइसीको निधन भएको छ। हेलिकोप्टर दुर्घटनामा आइतबार पूर्वी अजरबैजानको पश्चिमी प्रान्त जोफा क्षेत्रमा राष्ट्रपति र विदेशमन्त्री हुसैन अमिर–अब्दुल्लाहियनको निधन भएको हो ।
इरानका सर्वोच्च नेता अयातोल्लाहअली खामेनीको उत्तराधिकारी बन्नका लागि अग्रपंक्तिमा रहेका ६३ वर्षीय राष्ट्रपति रायसी अजरबैजानको सीमानाको भ्रमणपछि यात्रा गरिरहेका बेला हेलिकप्टर दुर्घटना भएको हो।
हेलिकोप्टरमा ९ जना सवार थिए। मौसम प्रतिकुल बनेपछि उनीहरु सवार हेलिकोप्टर ल्यान्डिङ हुन सकेको थिएन। फोर्स ल्यान्डिङका क्रममा हेलिकोप्टर दुर्घटना भएको प्रारम्भिक अनुमान गरिएको छ । दुुर्घटनामा परेको हेलिकोप्टर पूर्ण रूपमा जलेको छ। खराब मौसमका कारण उद्धारमा कठिनाइ भएको अधिकारीहरुले जनाएका छन्।
