रोल्पामा आगलागी हुँदा वृद्धाको मृत्यु

काठमाडौं । घरमा आगलागी हुँदा जलेर एक वृद्धाको मृत्यु भएको छ। रोल्पाको माडी गाउँपालिका–५ मा आगलागीबाट वृद्धाको मृत्यु भएको हो ।

प्रहरीका अनुसार घरमा भएको आगलागीमा परेर ७५ वर्षीया हरिकला घर्तीको मृत्यु भएको हो । भावाङ कचरिकोटस्थित वृद्धाको घरमा मंगलबार अपराह्न ४ः४५ बजे अचानक आगलागी भएको जिल्ला प्रहरी कार्यालयले रोल्पाले जनाएको छ।

आगलागीको कारण भने खुलेको छैन। हरिकलासँगै उनका माइला छोरा मात्रै बस्दै आएका थिए। तर आगलागीका बेला छोरा घरमा थिएनन्।