- ३० असार २०८३, मंगलवार / Jul 14, 2026
हुम्ला, ११ पुष । हुम्लाको सर्केगाड गाउँपालिका–२ स्थित रिप गाउँमा भएको आगलागीमा दुई जना घाइते भएका छन् भने पाँच वटा घरमा क्षति पुगेको छ।
स्थानीय विजय फडेराका अनुसार गएराति स्थानीय लैबा फडेरोको घरबाट अचानक आगलागी शुरू भएको थियो। आगलागीको चपेटामा परेर स्थानीय लैबा फडेरा र बम्बु फडेर घाइते भएका हुन्।
घाइते दुवै जनालाई तत्कालै एम्बुलेन्समार्फत जिल्ला अस्पताल सिमकोट पुर्याइएको छ। आगलागीबाट स्थानीय लैबा फडेरा, जयराम फडेरा, क्रान्ति फडेरा, रमेश महतारा र मोहन महताराको घरमा क्षति पुगेको छ।
आगलागीको कारण र क्षतिको विस्तृत विवरणबारे थप अनुसन्धान भइरहेको जनाइएको छ।
