- ११ कार्तिक २०८३, बुधबार / Oct 28, 2026
काठमाडौं । ललितपुरको फुल्चोकी–नौधारा सडकखण्डमा हिलो बाटोमै कालोपत्रे गरिएको भन्दै गोदावरी नगरपालिका–३ का वडाध्यक्ष सानुराजा घिमिरेले भत्काइदिएका छन् । हिलो माटोमा कालोपत्रे नगर्न आग्रह गर्दा पनि अटेरी गरेको र त्यसमा पनि कमसल कालोपत्रे प्रयोग भएको पाएपछि आफूहरुले भत्काइदिएको वडाध्यक्ष घिमिरेको भनाइ छ ।
सडक विभागले उक्त सडकखण्डअन्तर्गत १८ करोड रुपैयाँमा कालोपत्रेसहित सडक सुधारको काम गरिरहेको छ । हिलो कालोपत्र नगर्न पटकपटक आग्रह गर्दा पनि अटेरी गरेपछि आफूहरुले भत्काइदिएको वडाध्यक्ष घिमिरेको भनाइ छ । उनका अनुसार ठेकेदार कम्पनीले मापदण्ड पुर्याएर सडक पुनः कालोपत्रे गर्ने प्रतिबद्धता जनाएको छ ।
