- २ आश्विन २०८३, शुक्रबार / Sep 18, 2026
काठमाडौं । लोकतन्त्रका लागि लडेकी हसिनाले अहिले लोकतन्त्रलाई नै खतरामा पारिरहेको आलोचकहरूे आरोप लगाएका छन् । सन् २००७ मा प्रधानमन्त्री शेख हसिना बङ्गलादेशको विपक्षी नेता हुँदा सयौँ सैनिकले घरमा छापा मारेर उनलाई राजधानी ढाकाको एक अदालतमा लगेका थिए । जबरजस्ती असुली गरेको आरोपमा उनलाई पक्राउ गरिएको थियो ।
सन् १९९६ देखि सन् २००१ सम्म प्रधानमन्त्री रहिसकेकी हसिनाले ती आरोपलाई आगामी निर्वाचनमा उम्मेदवार हुनबाट रोक्न षड्यन्त्र गरिएको बताएकी थिइन् । उनलाई देश छाड्न वा कारागारमा बस्न विकल्प दिइएको थियो । एघार महिनापछि उनलाई रिहा गरियो र सन् २००८ मा पुनः प्रधानमन्त्रीमा निर्वाचित भइन् । अहिले उनी भारत र म्यान्मारबीच रणनीतिकरूपमा अवस्थित १६ करोडभन्दा धेरै जनसङ्ख्या भएको मुख्यरूपमा मुस्लिम राष्ट्र बङ्गलादेशको इतिहासमा सबैभन्दा लामो समयसम्म सेवा गर्ने नेता हुन् ।
आइतबारको आम निर्वाचनमा सत्तामा आफ्नो पकड बलियो बनाउन उनी तयार छिन् । यो निर्वाचन हसिनाको १५ वर्षको शासनपछि आएको छ जसले उनलाई लोकतन्त्रका लागि लड्ने नेताबाट लोकतन्त्रकै लागि सबैभन्दा खतरामध्येको एक बनाइदिएको आलोचक बताउँ छन् । हसिनाको मुख्य प्रतिद्वन्द्वी बङ्गलादेश नेसनलिस्ट पार्टीले जनवरी ७ मा हुन गइरहेको निर्वाचनलाई बहिष्कार गर्दैछ ।
बिएनपीले हसिनाको सरकारले निष्पक्ष निर्वाचन सुनिश्चित गर्न नसक्ने बताएको छ । निर्वाचनले ७६ वर्षीया हसिनाका लागि प्रधानमन्त्री कार्यालयमा लगातार चौथो र समग्रमा पाँचौँ कार्यकाल सुरक्षित गर्ने मञ्च तयार गरेको छ ।
