- १६ जेष्ठ २०८३, शनिबार / May 30, 2026
भक्तपुर । सूर्यविनायक निवासी प्रकाश देउजा गाईपालन व्यवसायमा रमाइ रहेका छन् । आफ्नो दैनिक जीवन सञ्चालन गर्न १० वर्ष मलेसिया बसेर फर्केपछि गाईपालन सुरु गरेका देउजा अहिले गाइपालन व्यवसायमा नै रमाइहरका हुन ।
विदेशमा लामो समय वितेपनि उपलब्धि नभएपछि आफ्नै जन्मभूमिमा केहि गर्छु भन्ने हुटहुटीका कारण गाईपाल सुरुगरेको देउजाको भनाई छ । मलेसीयाबाट फर्केपछि देउजाले आफ्नै गाँउमा गाईफार्म २०७४ साल फागुन ८ गते घरेलुमा दर्ता गरि संचालन गरेका हुन्।
३ लाखबाट सुरु गरेको फार्म अहिले १५ लाख पुगेको छ। पहिले–पहिले असज भएपनि अहिले काम गर्न सहज भएको छ । उनले जम्मा ५ वटा गाईबाट सुरु गरेको गाईफार्ममा अहिले १० वटा विभिन्न उन्नतजातका गाईहरु रहेका छन्।
उनले दैनिक ७० देखि ८० लिटर दूध बेच्ने गरेका छन् । गाईफामबाट उत्पादित दूधलाई गाँउघरमा मात्र नबेची बजारसम्म पनि पुऱ्याउने गरेका देउजाले दूधबाट भएको आम्दानीलाई आधा–आधा भागमा बाडेर आधा खर्च गाईका लागि र आधा खर्च आफ्नो लागी गर्ने गरेको जानकारी दिए ।
दूध बेचेर महिनाको २ लाखसम्म आम्दानी गर्ने गरेका देउजाले भने “पहिला सुरूवाती दिनलाई सम्झने हो भने निकै नै कठिन र संघर्सपूर्ण लाग्थ्यो तर अहिले आफ्नो कामलाई र फार्मबाट भएको फाइदा अनि जीवनलाई हेर्दा निकै सन्तुष्ट र आनन्द लाग्छ”। देउजा अहिले गाउँमा उउत्प्रेरणाको स्रोत समेत बनेका छन् । अमिशा बस्नेत (प्रशिक्षार्थी पत्रकार)
