- २७ भाद्र २०८३, शनिबार / Sep 12, 2026
काठमाडौं । बागमती प्रदेशका स्वास्थ्य बीमा दर्ता सहयोगीहरूले बबरहलस्थित स्वास्थ्य बीमा बोर्डको प्रादेशिक कार्यालयमा तालाबन्दी गरेका छन् । न्यूनतम् प्रोत्साहन रकम १० प्रतिशतबाट वृद्धि गरी २५ प्रतिशत पुर्याउन माग गर्दै स्वास्थ्य बीमा दर्ता सहयोगीहरू आन्दोलनरत रहेका छन् ।
उनीहरूले प्रोत्साहन रकमलाई मासिक रुपमा तलबी रुपमा स्थायीत्त्व गराउन पनि माग गरेका छन् । आफ्नो माग पूरा गराउन दबाव दिनको लागि आइतबार स्वास्थ्य बीमा बोर्डको कार्यालयमा उनीहरूले तालाबन्दी गरेका हुन् ।
आफ्नो मागहरूको सम्बोधन नभएसम्म आन्दोलन जारी रहने उनीहरूले जनाएका छन् ।
