- २६ आश्विन २०८३, सोमबार / Oct 12, 2026
हुम्ला, १८ फागुन । आगामी फागुन २१ गते हुने प्रतिनिधिसभा निर्वाचनका लागि उत्तरी नाम्खा गाउँपालिकाका चार वटा मतदानस्थलमा नेपाली सेनाको हेलिकप्टरमार्फत निर्वाचन सामग्री र कर्मचारी पुर्याइएको छ ।
लगातार हिमपातका कारण नाम्खा गाउँपालिका–६ स्थित ५ हजार २०० मिटर उचाइको न्यालु लेक तथा नाम्खा गाउँपालिका–५ को ४ हजार ९४९ मिटर उचाइको नारा लेक क्षेत्र अवरुद्ध भएपछि स्थलमार्गबाट आवतजावत सम्भव नभएको थियो ।
यसपछि नेपाली सेनाको हेलिकप्टर प्रयोग गरी आवश्यक निर्वाचन सामग्री र कर्मचारी सम्बन्धित मतदान केन्द्रमा पुर्याइएको मुख्य निर्वाचन अधिकृत निलकण्ठ बरालले जानकारी दिए ।
उनका अनुसार नाम्खा गाउँपालिका–६ अन्तर्गत हिमशिखर प्राथमिक विद्यालय (तिल), सुनखानी आधारभूत विद्यालय (हल्जी) र भृकुटी आधारभूत विद्यालयमा रहेको मतदानस्थलमा सामग्री तथा कर्मचारी हेलिकप्टरबाट ढुवानी गरिएको हो ।
