पहाड र तराईमा हुस्सु, बाँकी भागमा सफा

काठमाडौं । पश्चिमी वायुको प्रभाव रहेको बताउँदै जल तथा मौसम विज्ञान विभागले पहाडी भागमा आंशिक बदली रही बाँकी भागमा मौसम सफा रहेको बताएको छ । तराई भेगका एक–दुई स्थानमा हुस्सु लागेको छ ।

दिउँसो कोशी ,बागमती र गण्डकी प्रदेशका पहाडी भागमा आंशिक बदली रहने छ । कोशी, बागमती र गण्डकी प्रदेशका पहाडी भू–भागका एक–दुई स्थानमा हल्का वर्षा, उच्च पहाडी तथा हिमाली भागमा हिमपातको सम्भावना छ ।

राति कोशी, बागमती र गण्डकी प्रदेशका पहाडी भागमा आंशिक बदली रही बाँकी भागमा मौसम सफा रहने छ । विभागले कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्न सक्ने हुनाले सतर्कता अपनाउन अनुरोध गरेको छ ।