१२ लाख मूल्यभन्दा बढीको अबैध सामान बरामद

जनकपुर । धनुषा जिल्लाको विभिन्न स्थानबाट १२ लाख रुपैयाँभन्दा बढिको लत्ताकपडासहित मोटरसाइकल सशस्त्र प्रहरी बल नेपालले बरामद गरेको छ ।जनकनन्दिनी गाउँपालिका–१ ईनर्वास्थित अड्डा टोल ईलाकाबाट सशस्त्र प्रहरी बल नेपाल बीओपी ईनर्वाबाट विशेष सुचनाका आधारमा ३ लाख ७५ हजार मूल्य बराबरको लत्ताकपडासहित ओरार पसारमा प्रयोग गरिएका करिब ४ लाख ५० हजार मूल्य बराबरको मोटरसाईकल बरामद गरेको हो ।

सशस्त्र प्रहरीले भारतबाट भन्सार छली ज ११ प ६३२१, प्रदेश २ ०२–००१ प ०२०८ र ज ७ प ८७५६ नम्बरको तीन वटा मोटरसाइकलमा राखेर ल्याउँदै गरेको लत्ताकपडासहित र जनकपुरस्थित महावीर चोकबाट २ वटा मोटरसाईकलमा अबैध रुपमा ल्याउँदै गरेको अन्दाजी २ लाख मूल्य बराबरको लत्ताकपडा र लत्ताकपडा ल्याउन प्रयोग गरेको अन्दाजी २ लाख मूल्य बराबरको मोटरसाइकल समेत बरामद गरेको छ ।

सशस्त्र प्रहरीको गस्ती टोलीलाई देखे पश्चात तस्करहरु मोटरसाइकल र सामान छाडी भागेका थिए । बरामद लत्ताकपडा तथा मोटरसाइकल आवश्यक कारबाहीको लागि जनकपुर भन्सार कार्यालयमा बुझाइएको छ ।